|
دل سروده های ودودآذرین يوزناب یازمیشلا سریرینده بیله ؛ یوسف مصرين*** هريوسف اولان ؛ يوسف زهرا اولا بيلمز
|
اشعار کربلایی ودود آذرین خلخال: باقر آل عبایم من محرم گورمیشم بش یاشیمدا صحنه جنگ و جدال و غارتی اوچ گون البته منیمده لبلریم عطشانیدی کربلاده شیون و ناله چخان وقته گویه العطش دلده رقیه خیمه لرده بی امان سسلیوب "هَل مِن مُبارز" اکبر گلگون قبا آه او وقتن که عبا ایچره گلوبدی خیمیه قاسمی گوردوم زره سیز عزم میدان ایلیور قالدی گول جیسمی ولی آتلارایاقینده اونون گیتدی عباس دلاور سوگتیرسون خیمیه باشینون اوسته حسین گلدی بلینده اللری اصغری گتدی حسین سوویرسه لر سیراب ایده قتلگاهه اللری باشدا قاچان وقته بی بیم غارت اخیامه چون امر ایلدی شمرلعین (آذرینم) راه عشقینده حسینچی ملتین ۱۴۰۲/۰۴/۰۴ نوحه سینه زنی امام محمدباقر (ع) خورشید ولایت .... یا حضرت باقر دریای کرامت ای آیت یزدان جهل و انزوایه علمون یول آچوبدی آخرسنی ای جان مسموم ایدوب عدوان گرچه اثرزهر ایتدی سنی عطشان دورت سینده گوردون طوفان بلانی ادامه دارد..... [ شنبه بیست و چهارم شهریور ۱۴۰۳ ] [ ۱۱:۴ ق.ظ ] [ آذرین ]
[ ]
مدح سیدالشهدا (ع)وگریز به اربعین شعراز کربلایی ودود آذرین خلخال
جلوه ی نور ایزدی میرجنان حسین حسین شاه شهید تشنه لب جان جهان حسین حسین ذبح عظیم کربلا روح و روان حسین حسین فاطمه نازدانه سی حیدره نور دیده دی عالم هستی ده حسین معجزه دی پدیده دی
جود و سخا حسینده دی قلبه صفا حسینده دی راز بقا حسینده دی نور و ضیا حسینده دی سلم و رضاحسینده دی خون خدا حسینده دی ناخوش و دردمنده دی دست شفا حسینده دی دردی اولانلارا دیون درده دوا حسینده دی
اهل جهانه فی المثل قبله نمادی بوحسین آینه ی حقیقی ذات خدادی بوحسین دردی اولانلارا خبر درده دوادی بوحسین حاتم طایی اورگشوب جود و سخا حسیندن رتبه اعظمین آلوب کرب و بلا حسیندن
عشق حسیندی عالمی بیله هوایی ایلیوب جذبه عشقی الغرض کار خدایی ایلیوب مسلم و گبر و کافری کرب و بلایی ایلیوب اربعین اولدی اهل دل یادحسینه دولدولار پای پیاده عازم دشت مصیبت اولدولار
بیرگونی غملی یولاری زینب خونجگر گیدوب دلده حسین آدین ایدوب زمزمه دیده تر گیدوب غملی ربابه همنوا ، لیلیه همسفر گیدوب آتدی اوزین کجاوه دن ارض مکان اقدسه دوشدی سوروندی جانب بارگه مقدسه
قیرخ گون اولار دیدی اورگ داغ غمونده داغلارام بیردا سورونموسن حسین منده سورونم آغلارام عشقیله آلتی گوشه لی قبروی من قوجاقلارام دردینه دور دوا ایله دهرده چاره سیزلاری آچ گوزون ایله پیشواز قلبی شکسته قیزلاری
قبری گورنده قیزلارین جوشدی اورکده غملری داغلادیلار اورکلرین فاطمه نین حرملری یادایلیوبله بیربه بیر باشه گلن ستم لری سسلدیلر عزیزلرون غرق فغان گلوب بابا قبرون اوسته قیزلارون مرثیه خوان گلوب بابا
لیلی بینوا گزور قبر علی اکبری قرخ گون اولار کی گورمیوب آینه پیمبری داغ غمینده تار اولوب لحظه به لحظه گوزلری چونکی جوان داغی ایدر قلبینی قان آناسینون گیتمز اولونجه قلبیدن داغی جوان بالاسینون
آلدی رباب بینوا عطرین اگرچه اصغرین بیلمدی لیک هایاندادی قبری اوغنچه ترین ویردی جوابینی اودم زینب عزت آفرین اوغلووی باغرینا باسوب عشقیله شاه اولیا گل قاباقا دی لایلایین سویله اویان گوزل بالا
گلدی قباغه سسلدی دلده غمون بیتیرمیشم قرخ گون اولار کی من سنی نازلی بالا ایتیرمیشم تشنه سن آی بالا اویان سینه ده صود گتیرمیشم خلوت اولاندا سسلیوب یاره لرون فدا آقا تا که بیرین گوروب دیوب گوزلره قربان آی بالا [ چهارشنبه بیست و یکم شهریور ۱۴۰۳ ] [ ۲:۵۵ ب.ظ ] [ آذرین ]
[ ]
سبک: خداحافظ ای آنام باجی … سن آغلوسان من دوزنمورم … شیرین سوزوم آیدین اولدوزوم … . . ودود آذرین خلخال . . ندن سویله قارداش حسن ؛ گول کیمی سولوب رنگون باجون زینب قلبینی بیله ؛ یاندیرور غم آهنگون گوزون یوموبسان بودهریدن ؛ قاندی گوزیاشیم ایوای توکولدی تشته جگرلرون ؛ غملی قارداشیم ایوای مهربان حسن ایوای باغریقان حسن ایوای . . . . . . گیجه گوندوز قان اولوب اورگ ؛ زحمتون اولوب زایل سالوبلا باشون بلالره ؛ اهل کینه و باطل ویروب سنه زهری کوزه دن ؛ جعده ی جفا گستر ایوینده حتی غریبیدون ؛ محرمون اولوب قاتل گوزون یوموبسان بودهریدن ؛ قاندی گوزیاشیم ایوای توکولدی تشته جگرلرون ؛ غملی قارداشیم ایوای مهربان حسن ایوای باغریقان حسن ایوای . . . . . . ایشیتشه بو محنتی حسین ؛ سینه داغلیوب آغلار توکر قانیاش گل عذارینه ؛ قلب عالمی داغلار بو حالدا قارداش دوزر مگر ؛ قارداشین گوره دلخون مصیبتدن قان اولار دریا ؛ سو اولار بوتون داغلار گوزون یوموبسان بودهریدن ؛ قاندی گوزیاشیم ایوای توکولدی تشته جگرلرون ؛ غملی قارداشیم ایوای مهربان حسن ایوای باغریقان حسن ایوای . . . . . . غریب و بیکس سن آی قارداش ؛ یوخدی سنله هم پیمان دوشوبسن بیر درده واللهی ؛ یوخدی دردوه درمان باجون زینب هر غمه دوزسه ؛ بو غمونده دای دوزمز ستمله تابوتون اوخلالا ؛ دشمنان بی ایمان گوزون یوموبسان بودهریدن ؛ قاندی گوزیاشیم ایوای توکولدی تشته جگرلرون ؛ غملی قارداشیم ایوای مهربان حسن ایوای باغریقان حسن ایوای [ چهارشنبه بیست و یکم شهریور ۱۴۰۳ ] [ ۱۱:۲۵ ق.ظ ] [ آذرین ]
[ ]
سبک: یافاطمه من عقده دل وانکردم جدیدترین اثرطبع کربلایی ودود آذرین خلخال
قارداش حسن سویله نیه گول تک سولوبسان رنگ و رخون معلوم ایدور مسموم اولوبسان ای حامی قرآن و دین ای اوز اوینده بی معین مظلوم حسن جان۴
لعنت اولا تا روز محشر قوم ضاله سالمیش سنی حالدان حالا زهر قتاله زینب باجون قربان اولا او رنگ آله زهری ایچندن سولموسان چون ارغوانی اولموسان مظلوم حسن جان۴
گلزار عشقون گورنه سولدی اوز اوینده اوز محرمون نامحرم اولدی اوز اوینده خون دلون اکباده دولدی اوز ایوینده قان لخته سی لبلرده وار زینب سنه دل داغلیار مظلوم حسن جان۴
بیر ظلم ایدوب جعده منیم قدیم بوکیلدی بوغمده قلب عترته داغلار چکیلدی اکبادوون پاره لری طشته توکیلدی طشته باخوب قان آغلارام بو قلب زاری داغلارام مظلوم حسن جان۴
شمع وجودون زهرکین سوندیردی قارداش اوز محرم پستون سنی اولدیردی قارداش زهر جفایه سینوی بولدیردی قارداش گلزار دین سولدی بوگون قاسم یتیم اولدی بوگون مظلوم حسن جان۴
۱۴۰۳/۰۶/۱۳ https://eitaa.com/vodood13561012 [ سه شنبه سیزدهم شهریور ۱۴۰۳ ] [ ۱۰:۴۴ ق.ظ ] [ آذرین ]
[ ]
اشعار کربلایی ودود آذرین خلخال: یارسول الله 🌑🌑🌑🌑🌑🌑🌑🌑 احوالات خانم فاطمه زهرا(س)در رثای ختم المرسلین شعراز:کربلایی ودود آذرین خلخال ترک ایدوب دنیانی گیتدون دار عقبایه بابا اولدی زندان فانی دنیا غملی زهرایه بابا خاتم پیغمبران سان حجت خلاق سن نازل ایلوبدی سنه حق سوره و آیه بابا رحمتوندن خلق عالم بهره مند اولدی سنون سالمیشیدی نخل عشقون عالمه سایه بابا ییرمی اوچ ایل دین اسلامی جهانگیر ایلدون صادر ایتدون دین حقی کل دنیایه بابا حیف اولا بیلمز دنی دشمن سنون اجلالوی تز گیدر الدن گرانمایه بو سرمایه بابا اول مبارک گوزلری یومدون من اولدوم خونجگر دوندی اشک دیدگانیم بیرده دریایه بابا من داخی سندن صورا دنیاده خوش گون گورمرم آغلاماقی چوخ گورر هجرونده همسایه بابا یثربی منده غموندن بیت الاحزان ایلرم چون دوشر باشیم سنون هجرونده غوغایه بابا سن هله دفن اولمامیشدون فتنه شیخین ایلدی شورایدوبلر مخفیانه ضدمولایه بابا هم غدیرخم چخوب یاددان هم اشرار دنی باخمیوبلار جمله ی" مَن کُنت ُمولایه" بابا غصب اولوب تخت خلافت حیدراولدی منزوی غرق اولوب کشتی دین طوفانلی دریایه بابا آغلارام صبح و مسا مظلوم علینون حالینه شکوه قیلام خلق الیندن حق یکتایه بابا ( آذرین) ؛سرمایه عشقی حسینون آدیدور زایل اولماز هرایکی دنیا بو سرمایه بابا [ شنبه دهم شهریور ۱۴۰۳ ] [ ۸:۲۱ ق.ظ ] [ آذرین ]
[ ]
یاحسین(ع) احوالات اربعین و خروج از کربلا شعراز:کربلایی آذرین خلخال ((گلیب اربعینوه یا حسين ؛ گیده جک مدینیه زینبون آتام اوغلی دور یولا سال گوریم ؛کیمه دردینی دیه زینبون)) منی بش یاشیندا فلک غم و محن و عزایه ایدوب دچار ننمی آلوبدی جوان چاقی ایلیوب یتیم قیزی بی قرار آتا قارداشین غم و محنتی بیرعمیر ایدوبدی منی نزار بوقدر مصیبته تاب ایدوب گینه اولمیوب نیه زینبون منه قرخ گون ایچره خدابیلور نلر اولدی کوفه و شامیده گل و گلستان محمدی نجه سولدی کوفه و شامیده باجوون یارالی دلی گینه قانا دولدی کوفه و شامیده هامی ظلم و جور و مصایبی جمع ایدوبدی سینیه زینبون بوسفرده قدیمی غم اگوب آغاریب باشیم اورگیم یانوب ستمیله گلشن فاطمه شرر و جفاییله اودلانوب بالا قیزلارین سسی عرش طاقینه راه شامیده قوزانوب ره چاره تاپمادی چوخ غمه بوزمان دا نیلیه زینبون دورحسین مزاروون اوستونه بالا قیزلارون نگران گلوب باجوون جلالی بهم اولوب قوجالوبدی قدی کمان گلوب دولانوبدی چوللری دربدر اورگینده درد و فغان گلوب خبرآلموسان بو غریبیدن بوحالا قالوب نیه زینبون گلوب اربعینوه قیزلارون هاموسی اولوبدیلا یولداشیم خبر آلما نازلی رقیوی خجل ایتمه زینبی قارداشیم ایلدی خرابه نی چون وطن بوغم اوسته جاریدی گوزیاشیم گتیرنمدی بالا جیرانی بوصفالی اولکیه زینبون گیدیری مدینیه کاروان دور ایاقه سال یولا یاحسین ننمه قوناق گیدورم ولی اورگیمده چوخدی نوا حسین گیدورم شکایته سویلیم باشیما گلوب نه بلا حسین نقدرگرک چکه درد و غم اورگین قانین ییه زینبون *
***شایان ذکر است شاه بیت شعر فوق خیلی قدیمی بوده و شاعرش را نمیشناسم که از قافیه ی سختی هم استفاده کرده است علی ایحال ابیاتی را حقیر به سفارش استاد حاج رسول سیدپور جهت استفاده عزیزان سرودم که تقدیم حضور می گردد. یاحسین ۱۴۰۳.۰۶.۰۸ [ شنبه دهم شهریور ۱۴۰۳ ] [ ۸:۱۹ ق.ظ ] [ آذرین ]
[ ]
احوالات امام حسن مجتبی(ع)خطاب به خواهرش زینب(س) اثرطبع؛؛کربلایی ودود آذرین خلخال سبک:::اصغریم ای شیرین زبانیم
زینبیم یار و غمگساریم غملیدی دلده کی سرودیم جعده بیر ظلم ایدوبدی تزگل اود دوتوب خرمن وجودیم دور باجی غم چاقیمدا فریادیمه گل اود دوتوب یاندی جگریم دادیمه گل باجی یاندیم ... اولولاندیم۴
طشته باخ لخته لخته قاندی باشوه قاره باغلا زینب پارچالاندی جگر دایانما گل من زاره آغلا زینب گلشن عمریمی خزان ویردی باجی دشمنین کینه سی منی یوردی باجی باجی یاندیم ... اولولاندیم۴
ایش باجی گور هارا یتیشدی من غریب اولدیم اوز ایویمده محرمیم اولدی خصم جانیم ظلمیله سولدیم اوز ایویمده غم سوزین سویلمه حسین قارداشیما بیلمسین تا نلر گلوبدی باشیما باجی یاندیم ... اولولاندیم۴
حالیمی گورسه غیرتیندن اوزگه حاله قالار ابالفضل بیلسه کیم قاتلیمدی زینب انتقامین آلار ابالفضل سویله اود خیمیه ظلّامه سالماسین غیرتین دشت کربلایه ساخلاسین باجی یاندیم ... اولولاندیم۴ ۱۴۰۳.۰۶.۱۰ https://eitaa.com/vodood13561012 [ شنبه دهم شهریور ۱۴۰۳ ] [ ۸:۱۹ ق.ظ ] [ آذرین ]
[ ]
|
درباره وبلاگ  يازدي سهراب"شقايق واريكان زندگي وار" بيلمدي ياس ئوركي قانه دونر ؛غمله دولار گر شقايق اولا يا پيچك اولا يا گل ياس گلمَسه مهدي گل زندگي عالمده سولار @@@@@@@ ياده هر دم سالارام لاله مكـان كنديميزي ئـورگـيـمـده بـيلَرَم گلشن جـان كنديميزي شب جـمـعه ايلـسون فاتـحه امـواتـه نـثار گوره جكسن بورويوب عطرجنان كنديميزي @@@@@@@@ اي ديــار مـهـرباني مــهد خـوبان يــوزناب معدن عشق و وفا و نــور ايـمان يــوزناب هرزمان از خاطرم بگذشت اگر سيماي تو خالقت را مي ستايم از دل وجان يــوزناب ايزاناب سرشوريده مه سنسن سروسامان ايزاناب درد بـي مـهـري دورانــيمـه درمان ايزاناب اونداكي غم داغي قلبيمده آغيريرسالاجاخ ئورگـيـمـدن يـوواسـان غـصّه دوران ايزاناب دائـماً سـبـز و طـراوتـلـي اولا بـاغ چـمـنون بـيـتـمـسـيـن داغلاروا خـارمـغيـلان ايزاناب گلشنوندن گوروم الله اوزاق ايتسين كدري باغلاروندا اوخويامرغ خوش الحان ايزاناب مـهـد مـردان خـدا مـعدن مـردانـگي سـن سـنده طـوفان ايـليور شوريله ايمان ايزاناب سـنـده نـاصالـح اوشاق اكمـيلر كـاش آتالار خوشدي گلسين عمله قاري قرآن ايزاناب (آذرين)گرچه دوشوب باغ وبلاغوندان اوزاق يوسفم دنـيـا بـويي سن منه كنعان ايزاناب |
| [ طراحی : وبلاگ اسکین ] [ Weblog Themes By : weblog skin ] |