رئـيـس مـذهب شـيعـه امـام انـس و جـان صادق(ع)
علـيـم آل پـيـغـمـبر(ص) گـل بـاغ جــنان صادق(ع)

شـبـسـتـان  جـهـالـت ده  مـثال  شـمع  ياندون  سن
جهان  نور وجودون دن اولوبدي  روز تك  روشن
عـلـوم شـيـعـه ني آلميش خـلايــق غـمـلي سـينوندن
كوير دانـشـي ايـتـدون گؤزل بيرگلستان صادق(ع)

كـمـالات وجـودونـدن عـوالـم خـوشه چـين اولـــدي
عـلوم فـقـه وتـفـسـيـره سـراپـا ديـن عـجين  اولـدي
سـنـون عـلـمونـله دانـشـگـه قـدَرده پـرثمين اولــدي
گـلسـتـان امـامـتـده اوجـا ســـرو چـمـان صادق(ع)

اولوب دورت مين گل عاشق گلستانون ده پرورده
اصـول فـقـه ايـله گرما ؛ اولـــوب حاكـم دم سـرده
تمـامـاً درس اخـلاقــون دوا دور هــر زمـان درده
بويوك سرمـشق دورخلـقـه عـلومـون هـرزمان صادق(ع)

خـلاصه آچـدي شـهرعـلـم فـقـه و حكمـتـيـن بابين
ايـوينه اودويروب اشـرار؛آلـوبـلارطاقـت و تـابين
بونوعي ويرديلر اجـرين؛ امـام مـهـر و مـهـتـابين
بواود ويرماقـدا دل دوشدي گريزه بي امان صادق(ع)

دوشــوب دور ياديمه بيرآن حديث عصر عاشورا
شـهـيـد اولموشدي ثارا... دوشـوب دنـيـايـه واويلا
قوشون يوز قويدي اخيامه اولوب هنگامه لر برپا
حسينون حالينه اوندا يانار كون ومكان صادق(ع)

خيامـه اود ويـران وقـتـدن روايــت ايـليور راوي
ديورگوردوم بالا بيرقيز؛كي اود دوتموشدي دامـاني
چيخوب قاشـدي بـيـابـانـه گوزونده اشكيدن جامي
رقـيّه جـدّوه جاندي بـوچـوللرده قاچان صادق(ع)

زبس قورخموشدي مـنـدن اول شيرين دل مهربان آهو
كانـّه مـرغ پـركـنـده ايـــدوردي چـولـده هي كوكو
قاچـيـردي سـاق صولا آغلار گوزيله دخترمه رو
آلـيـشيـردي تـحـرّكـدن اتـگــيـنده يانان صادق(ع)

خـلاصه ايـلـديم خـامـوش اتــگـينـيــن اوتين آخــر
ديديم سنـلـن ايـشـيـم يـوخدور مـنم الان سنه  ياور
گورورم چوخ هراسان سان سوسوزدان پاره ديرلبلر
شهيداولدي علي اوغلي اولوب آزاد آخان صادق(ع)

ديديم سو ميل ايله اولموش سنه حتّي نفس  دشوار
منه باخدي سواباخدي باخوب اخيامه  گل رخسار
ديـدي اخـيـمده بـيـر نـاخـوش امـام  ساجدينيم وار
سوسوزدان رنگ رخساري اولوب چـون ارغوان صادق(ع)

تانورسان بوبياباني ؛هارا هـــاردان گيـدر ياشيخ
نجف سمـتـين منه گوستر چراغ جان گيچرياشيخ
بابام حـيدر اولوب گورسين عزيزي دربدرياشيخ
اولــوب عطشان قانا غلطان يارالي ميهمان صادق(ع)

اولوب دريا كنارينده ؛بابام عـطشان قانا غلـطان
سواوستينده اباالفضلين سالوبلارقولارين عـدوان
علــي اكــبــريــم پــرپــراولــوب اللهـينه قوربان
ايچيب دي اصغرنالان سودعوضينده قان صادق(ع)

سوسوزقانه باتان لايلاي؛مـني گوزدن آتان لايلاي
اوجابوي قهــرمـان لايلاي؛عموي مهربان لايلاي
چوله طوفان سالان لايلاي؛جوان قانه باتان لايلاي
ديرم اصغــره لايلاي نـقـدري واردي جان صادق(ع)
 

صادقيه - ۲۴/۶/۹۱ ساعت ۳۰/۱۸