|
دل سروده های ودودآذرین يوزناب یازمیشلا سریرینده بیله ؛ یوسف مصرين*** هريوسف اولان ؛ يوسف زهرا اولا بيلمز
|
اولین فدیه سلطان شهیدان مسلم
كشته راه حق ومنطق و قرآن مسلم
سالك راه حقیقت گل بستان عقیل
مست و سرمست می ناب خداوند جلیل
سیرتی حیدری وصورتی زیبا و جمیل
عاشق ذكر و دعا مظهر ایمان مسلم
حضرت حقین عقیل اوغلی گوزل بنده سیدی لقبی سیف بنی هاشمه زیبنده سیدی
كوفه ده مظلوم حسینون او نماینده سیدی
نجه كی حیدره مقدادیله سلمان مسلم
یتشوب كوفیه برنامه سین اجرا ایلدی نهضت حقه گوره نقشینی ایفا ایلدی
پرچم عشقی ازل كوفه ده برپا ایلدی
تاپدی ظاهرده دل ناخوشه درمان مسلم
دیدیلر گلسه حسین شهره خرامان اولاریخ ایاقی آلتدا اونون عشقیله قربان اولاریخ
هرنه امر ایله سه لر گوش به فرمان اولاریخ
نامه یاز تا گله تز كوفیه سلطان مسلم
یازدی اربابینه مسلم سنه قربان تزگل یاحسین یوردی منی تلخی هجران تزگل
كوفه گوزلور یولوی بویره مهمان تزگل
یولوا گول سپوری خسروی خوبان مسلم
كوفه ده یابن الحسن باد مخالف اسدی ابن مرجانه بیلورسوز كی نجه ناكسدی
كوفه ده مكری اونون رشته الفت كسدی
دوستلارون دوندی اولوب هامیسی عدوان مسلم
ایش چاتوب بیر یره قلبیم باشی شدتله یانور تك قالوب كوچه لری نایب سلطان دولانور
گه گیدور گه اوتورور غمزده گاهی دایانور
ایله بیل كوفه ده هیچ یوخدی مسلمان مسلم
تكیه دیواره ایدوب سسلدی ای بادصبا بو پیامی آپار الساعه وطنده آقاما
كوفیه گلمه دینن كوفه لی ده یوخدی وفا
یاحسین گلمه قالوب شهریده ویلان مسلم
ایندی بو منظره نی دردی اولان آل نظره صبحه جك مهمان اولوب قورخولی كوی و گذره
طوعه نین دوشدی گوزی اوندا غریب بیرنفره
دیدی كیمسن دیدی من لبلری عطشان مسلم
دیدی بیرجرعه سوعطشان قوناقا ویرآناجان من غریب الوطنم یوخدی كسیم حالیمه یان
اجروی فاطمه دن هر ایكی دنیا آلاسان
سویی میل ایلسه حاله گلر الان مسلم
الغرض سوگتیروب طوعه آقا نوش ایلدی گیتمدی قلب ایوینی غم تیرینه توش ایلدی
تكیه دیواره ایدوب غصه لری جوش ایلدی
دیدی گیت منزلوه اولسا گر امكان مسلم
دیدی بو شهریده یوخ كیمسه اونا تكیه ایدم یالقوزام چاره سیزم یوخ دی یولوم تا قییدم
گزورم شهری غریبانه هارام واردی گیدم
تانیمورسان منم اول غمكش دوران مسلم
مسلم آدین ایشیدوب طوعه اورگدن چكوب آه دیدی منت منه قوی گل ایوه تا وقت پگاه
مسلمه طوعه اوینده اوگیجه ویردی پناه
اوخودی صبحه كیمین صوتیله قرآن مسلم
صبح آچیلدی آقا آماده پیكار اولدی طوعه دن ایتدی خداحافظ اوركدن دولدی
طوعه نین ده ایله بیل رنگی بوغمدن سولدی
كفریله جنگ ایلسون چیخدی رجزخوان مسلم
توكولوب فوج اراذل آقانی دوره لدی گلنی پورعقیل وارد نیران ایلدی
یاعلی دیلده آقا دشمنی قانه بلدی
ایلیوب هرگلنی قانینه غلطان مسلم
من عقیلون بالاسی معرفت آیینه سیم هاشمی دور نسبیم حضرت حق بنده سیم
شاه عطشان دهنین یار و نماینده سیم
ایلیوب كوفه ده برپا نجه طوفان مسلم
الغرض مكریله غملی اورگین داغلادیلار آلدیلا شمشیرینی قولارینی باغلادیلار
دوشدی بیرحاله كی قوشلار حالینا آغلادیلار
سالدی گوداله سنی قوم لعیمان مسلم
عار اولا حشره كیمی كوفه لینون غیرتینه دشمنون دقت ایله قلبیده كی نخوتینه
ویردی بیر ضربه اونون بكردنی صورتینه
دیشلری سیندی دولوب آغزینا القان مسلم
مجلس ابن زیاده گتوروبلر او یلی وارد مجلس اولوب عرض سلام ایلمدی
دیدوله عرض سلام ایله امیره علنی
دیدی مولا دی منه شاه شهیدان مسلم
حضرتی بكر آپاریب دارالاماره بامینا صیدی سالمیشدی نجه ظالم كافر دامینا
باشینی ذبح ایلدی خصم یتیشدی كامینا
دردینی باد صبایه ایدوب اعلان مسلم
اوجا یردن باشیلا قانلی بدن گلدی یره باش و جاندان ره جاناندا گچن گلدی یره
اولین هدیه سالار زمن گلدی یره
طوعه ده سسلدی ایمانوه قربان مسلم
(آذرین)عشق حسین مسلمی تسلیم ایلدی عالمه عشق و وفا درسینی تعلیم ایلدی
فاطمه سن تك عزادارینی تكریم ایلدی
ایلییر شك ایلمه دردوه درمان مسلم
13/7/94 موضوعات مرتبط: حضرت مسلم (ع) [ چهارشنبه پانزدهم مهر ۱۳۹۴ ] [ ۴:۵۹ ب.ظ ] [ آذرین ]
[ ]
|
درباره وبلاگ  يازدي سهراب"شقايق واريكان زندگي وار" بيلمدي ياس ئوركي قانه دونر ؛غمله دولار گر شقايق اولا يا پيچك اولا يا گل ياس گلمَسه مهدي گل زندگي عالمده سولار @@@@@@@ ياده هر دم سالارام لاله مكـان كنديميزي ئـورگـيـمـده بـيلَرَم گلشن جـان كنديميزي شب جـمـعه ايلـسون فاتـحه امـواتـه نـثار گوره جكسن بورويوب عطرجنان كنديميزي @@@@@@@@ اي ديــار مـهـرباني مــهد خـوبان يــوزناب معدن عشق و وفا و نــور ايـمان يــوزناب هرزمان از خاطرم بگذشت اگر سيماي تو خالقت را مي ستايم از دل وجان يــوزناب ايزاناب سرشوريده مه سنسن سروسامان ايزاناب درد بـي مـهـري دورانــيمـه درمان ايزاناب اونداكي غم داغي قلبيمده آغيريرسالاجاخ ئورگـيـمـدن يـوواسـان غـصّه دوران ايزاناب دائـماً سـبـز و طـراوتـلـي اولا بـاغ چـمـنون بـيـتـمـسـيـن داغلاروا خـارمـغيـلان ايزاناب گلشنوندن گوروم الله اوزاق ايتسين كدري باغلاروندا اوخويامرغ خوش الحان ايزاناب مـهـد مـردان خـدا مـعدن مـردانـگي سـن سـنده طـوفان ايـليور شوريله ايمان ايزاناب سـنـده نـاصالـح اوشاق اكمـيلر كـاش آتالار خوشدي گلسين عمله قاري قرآن ايزاناب (آذرين)گرچه دوشوب باغ وبلاغوندان اوزاق يوسفم دنـيـا بـويي سن منه كنعان ايزاناب |
| [ طراحی : وبلاگ اسکین ] [ Weblog Themes By : weblog skin ] |