هيجــرونده سـنون تاب وتـوانـيـم گيديب الدن
جيسميمده کی جان روح وروانيم گيديب الدن
سن سـيز گؤزلـيم آيـنـه حـتـّي كــدراولـمـوش
عـكـس رخـون اي سـروچمـانـيـم گيديب الدن
ســنـدن صـورا يـوخ مـشتـري درد دل زاره
ســـيـنـمـده اولان راز نـهـانـيـم گيديب الدن
گـلـمـيـر يوخي آغلار گؤزومه، سندن آرالي
بـاشـيـم آغـاريـب عـمـر جوانـيـم گيديب الدن
هـيـچ مي مـنـي مـست ايلمـيورچون فراقوندا
پـيـمـانـه سيـنـوب رطـل گـرانـيم گيديب الدن
صـيـد اولـمـوشام آهـو كـيـمـي صـيّـاد فـراقـه
زنـدان دا اسـيـرم كــي امــانــيـم گيديب الدن
*آهـسـته یـیـغوب بـاشـیـنا ئـوز لشگر زلفین*
آتـميش مـني بـاشـدان،سروجانيم گيديب الدن
آلـسـا خـبـرعـالـم نـه غـمـين سن، دييَرم من
لب ده شـكريم، قـاش دا كـمانـيـم گيديب الدن
غم چكمه كي بيرگون قييدر(آذرين) عشقـون
هـريـئـرده دِيـمـه،راحـت جانـيم گـيديب الدن
۲۷/۳/۹۱ ساعت ۵۶/۱۶
*اين مصرع از استاد علي آقا واحد مي باشد.
موضوعات مرتبط:
حضرت حجت امام زمان (عج)،
متفرقه